Urdu book

Mujh Se Ab Aur Tamaasha Ho Nahi Sakta, Lay Jaa, Yeh Dikhaaway Ki Hansi Bhi Aa Kr.!

Hum Ne Maana Kay Taghaful Na Kro Gay Lakin, Khaak Ho Jaayein Ge Hum Tum Ko Khabar Honay Tak.!

Haal Ha Ik Ajab Faraaghat Ka, Apna Hr Gham Mana Chuka Hun Main.!

Khuda Karay salaamat rahay kisi dua ki trha, Ik tu aur doosra muskaraana tera..!

Mohabbat Jheeel Si Ha, Naa Jaanay Kitni Gehri Ha.!

Hanstay Huay Chehron Ko Ghamon Se Aazad Na Samjho, Hazaaron Gham Chupay Hotay Hain Halki Si Muskaan Main.!

Qudrat Kay Is Haseen Manzar Main, Mere Yaar Ka Bhi Shumaar Hota Ha.!

Kitni Dilkash Ha Khamoshi Teri, Meri Saari Baatain Fazool Hon Jesay.!

Main Apnay Aap Say Ghabra Gia Hun, Aay Zindagi Mujhay Deewana Kr Dey.!

Kon Kehta Ha Kay Khuda Nazar Nahi Aata, Aik Wohi To Nazar Aata Ha Jab Koi Nazar Nahi Aata.!

Phir Say Maazi Ki Yaadon Main Kho Gaye Hum, Pucha Jo Kisi Ne Mohabbat Ka Safar Kesa Tha.!

Tum ne Chorah Jab Se Ansu Ponchna, Hum Ko Roney Ka Mazza Aaata Nahin.!

Mohabbat Karni Ha To Khuda Se Karo Faraz, Matti K Khilono Se Kabhi Wafa Nahi Milti.!

Piyar ki kahani mein such ager mily to, Umer baandh leti hein larkiyan wafaon sy.!

Tarq-e-Taluq Sey Kiya Hua Haasil, Tab Bhi Chahtay Thay Ab Bhi Chahtay Hain.!

Khuda ki shaan wo mera tarrapna dil lagi samjhe, Kissi ki jaaan jaati hai, kisi ka dil behelta hai..!

Wo Bhool Jaye Ga Is Trha Se, Yaqeen Maano Yaqeen Nahi Aata.!

Zamanay Bhar Kay Gham Ya Ik Tera Gham, Yeh Gham Ho Ga To Kitnay Gham Na Hon Ge.!

Tun Mera Bann Nahin Sakka Warna, Tujh Ko Pana To Mein Ne Chaha Tha.!

Khulta kisi pay kya mery dil ka muamla, Shairon k intekhab nay ruswa kia mujhy.!

Ishq per zor nahin, yeh woh aatish Ghalib, Ke lagaaye na lage aur bujhaaye na bujhayy.!

Kia Zaroori Ha K Hm Haar K Jeetien Tabish Ishq Ka Khel Baraber Bhi To Ho Sakta Hai..!

Main khud pehel karun ya udhar se ho ibtidaa, Barsoun guzar gaye hain yehi sochtey huye..!

Kaun sood-o-ziyaa’n ki duniya mein, Dard-e-ghurbat ka sath deta hai, Jab muqaabil hon ishq aur daulat, Husnn daulat ka saath deta hai.. (sood-o-ziyaan;profit)

Yeh kafi hai ke hum dushman nahin hain, Wafaadari ka daava* kyon karain hum..! (daava;claim)

Ho na ho yeh koi sach bolney wala hai Qateel, Jis ke hathon mein qalam, paon mein zanjeerein hain.!

Aaj to hum ko paagal keh lo, pathar phenko, tanzz kar lo, Ishq ki baazi khel naheen hain, khelo ge to haaro ge..! Ibn e Insha

Hum jungle ke jogi, hum ko aik jagha araam kahan, Aaj yahan, kal aur nagar, subah kahan to shaam kahan.!

Dil dard ki shiddat se khoon-gashta-o-see paara, Is sheher mein phirta hai ek wehshee-o-awara, Shayar hai ke aashiq hai, jogi hai ke banjara, Darwaza khula rakhna, Seene se ghata uthe, aankhon se jhari barse, Phaagan ke nahi badal, jo chaar ghadi barse, Barkha hai ye bhaado ki, barse to badi barse, Darwaza khula rakhna, Aankhon mein ek alam, aankhon mein to duniya hai, Honthon pe magar mohrein, munh se nahi kehta hai, Kis chiz ko kho baitha hai, kya dhundne nikla hai, Darwaza khula rakhna, Haan thaam mohabbat ki gar thaam sake dori, Sajan hai, tera sajana, ab tujhse to kya chori, Yeh jis ki manaadi hai basti mein teri gori, Darwaza khula rakhna, Shikwon ko utha rakhna, aankhon ko bichha rakhna, Ek shama dareeche ke chaukhat pe jala rakhna, Mayoos na phir jaaye, haan paas-e-wafa rakhna, Darwaza khula rakhna darwaza khula rakhna.

Bhala gardish e Falak falak chain deti hai kisay Insha Ghaneemat hai k hum soorat yahan do chaar bethay hain.!

Dekh lete ho mohabbat se yehi kaafi hai, Dil dharakta hai sahulat se, yehi kaafi hai, Haal dunya ke sataye huye kuch logon ka, Puch lete ho shararat se, yehi kaafi hai, Jo bhi raste mein guzarta hai mere pehlu se, Dekhta hai teri nisbat se, yehi kaafi hai, Muddat’ton se nahin dekha tera jalwa lekin, Yaad ajate ho shidat se, yehi kaafi hai, Saari dunya se ulajhte hain lekin tera kahaa, Maan jate hain sharafat se, yehi kaafi hai, Kya hua hum jo muyassar jo zar-o-maal nahin, Katt rahi hai bari izat se, yehi kaafi hai, Aaj ke ehd taghaful mein kisi dar pe Munir, Koi ajaye zarurat se, yehi kaafi hai..!

Yeh aur baat teri gali main na ayen hum, Lekin yeh kya ke tera sheher chorr jayen hum, Muddat huyi hai kuye bataan ki taraf gaye, Awaargi se dil ko kahan tak bachaayen hum, Be’noor ho chuki hai bohat sheher ki fizaa, Tareek raston par kahin kho na jayen hum, Us ke baghair aaj bohat jee udaas hai, Jaalib chalo kahin se usey dhoond ke layen hum.!

Yeh kya ke tujhe bhi hai zamaney se shikayat, Yeh kya ke teri aankh bhi pur’num hai meri jaan.!

Kahin aah ban ke lab per tera naam aa na jaye, Tujhe bewafa kahoon mein, woh maqaam aa na jaye, Jisey sun ke toot jaye mera aarzu bhara dil, Teri anjuman se mujh ko woh peyaam aa na jaye, Woh jo manzilon per laa kar kisi hamsafar ko lootain, Unhi rehzanon mein tera kahin naam aa na jaye, Isi fikr mein hain ghalat yeh nizaam ke bandey, Jo tamaam zindagi hai woh nizaam aa na jaye..!

Gulistanon pe hi naheen moqoof, Junglon me bhi phool khilte hain.!

Ajnabi khauf fizaon main basa ho jaise Shahar ka shahar hi aseb zada ho jaise Rat ke pichle pahar ati hain avazain si Door shahara main koi chiKh raha ho jaise Dar-o-divar pe chai hai udasi aisi Aaj har ghar se janaza sa utha ho jaise Muskurata hun pa-e-Khatir-e-ahabab magar Dukh to chehre ki lakiron pe saja ho jaise Ab agar dub gaya bhi to marunga na Kamal Beh-tey pani pe mera nam likha ho jaise.!

Hai aap ke honton pe jo muskaan wagera, Qurbaan gaye is pe dil-o-jaan wagera, Billi to yunhi muft main badnaam huyi, Thailay mein to kuch aur tha samaan wagera, Be’hirss o gharzz farzz adaa ki jiye apna, Jis tarah police karti hai chalaan wagera, Ab hosh nahin koi ke badaam kahan hai, Ab apni hatheli pe hain dandaan* wagera, Har shirt ki bushratt bana dali hai Anwar, Yun chaak kiya hum ne garebaan* wagera.. (dandaan;artificial teeth)(garebaan;collars)

Shair logon ke bohat yaad hain auron ke liye, Tun milay to main tujhe shair sunaaon apne..!

Tujhe Mujhse Mujko Tujse Jo Bohat Hi Pyar Hota, Na Tujhe Qaraar Hota Na Mujhe Qaraar Hota, Tera Har Marz Ulajhta Meri Jaan-e-natwaan Se, Jo Tujhe Zukaam Hota Tou Mujhe Bukhaar Hota, Jo Mein Tujko Yad Karta Tujhe Cheenkna Bhi Parta, Mere Sath Bhi Yakeenan Yehi Bar Bar Hota, Kisi Chowk Mein Lagate Koi Chooriyon Ka Khokha, Tere Sheher Mein Bhi Apna Koi Karobaar Hota, Gham-o-ranj Aashiqana Nahin, Calculator’aana, Isey Mein Shumaar Karta Jo To Be’shumaar Hota, Wahan Zer-e-behess Atey Khat-o-haal O Huye-hubaan, Gham-e-ishq Per Jo Anwar Koi Seminar Hota..!

Mard Honi Chahiye, Khatoon Hona Chahiye, Ab Grammer Ka Yehi Kanoon Hona Chahiye, Nursery Ka Daakhla Bhi Ab Sar’sari Mat Janiye, Aap Ke Bache Ko Aflaatoon Hona Chahiye, Raat Ko Bache Parhayi Ki Aziyat Se Bache, In Ko TV Ka Bohat Mamnoon Hona Chahiye, Doston English Zaroori Hai Hamare Wastey, Fail Honey Ko Bhi Koi Mazmoon Hona Chahiye, Sirf Mehnat Kya Hai Anwar Kamyaabi Ke Liye, Koi Ooper Se Bhi Telephone Hona Chahiye.. (khatoon;lady)(sar’sari;easy)(mamnoon;thankfull)

Duniya Ke Sitam Yaad Na Apni Wafaa Yaad Ab Mujh Ko Nahi Kuch Bhi Mohabbat Ke Siwa Yaad Mein Shikwah Ba Lab Tha, Mujhe Ye Na Bhi Raha Yaad Shayad Ke Mere Bhoolnay Waalay Ne Kia Yaad Kia Jaaniye Kia Ho Gaya Arbaab-e-Junoo.n Ko Jeenay Ki Adaa Yaad Na Marnay Ki Adaa Yaad Kia Lutf Ke Mein Apna Pataa Aap Bataaon Kijiye Koi Bhooli Howi Khaas Apni Adaa Yaad Muddat Howi Ek Haadsa-e-Ishq Ko Laikin Ab Tak Hai Tere Dil Ke Dharaknay Ki Sadaa Yaad

Hijar ka naag to pathar ghayal kar deta hai, Sonay jese shakhss ko peetal kar deta hai, Mere ishq mein shayed koi kami huyi ho, Tera hussn to ab bhi paagal kar deta hai, Aesi lazzat kahin nahin milti, shayed woh, Apna pyaar bhi chaaye mein hall kar deta hai, Dil mera veeran hua to hasrat kesi, Hijar ka zeher to daryaa ko thall kar deta hai, Mujh ziddi ko rab bhi raazi na kar paye, Lekin teri aankh ka kaajal kar deta hai, Tere lamss ka jadu bhi kesa jadu hai, Jiss ko chuu le us ko sandal kar deta hai, Tera chahra har chehre per chaa jata hai, Yeh manzar har manzar aujhal kar deta hai, Aankh ke registaa’n ko teri yaad ka badal, Chuu jaye to pal mein jal’thall kar deta hai.

Na tumhey hosh rahey or na mujhey hosh rahey, Is qadar toot kay chaaho mujhey pagal kar do...!

Sara Karishma Mohabbat Ka Ha Warna, Pathar Ki Diwaaron Ko Kon Taaj Mahal Kehta Ha.!

Mujh Se Ab Aur Tamaasha Ho Nahi Sakta, Le Ja Yeh Dikhaway Ki Hansi Bhi Aa Kr.!

Tum Aaao gay to phoolon ki barsat karen gay, Mousam k farishto'n say meri baaat hui hai..!